Azamattardy qabyldaý júıeli sharalarǵa múmkindik beredi – Nur-Sultan qalasynyń ákimi Elorda ákimi Altaı Kólginov azamattardy onlaın qabyldaý ótkizdi. Qala turǵyndary áleýmettik baspana, medısınalyq kómek, jumysqa ornalasý, qosymsha bilim alý jáne t.b. saýaldarǵa jaýap aldy.
Nur-Sultan ákimdigi azamattardy qabyldaý úshin elektrondy kartalardyń pılottyq júıesin iske qosty. Júıe turǵyndardyń ótinimderiniń oryndalý barysyn kórýge jáne qadaǵalaýǵa múmkindik beredi.
Onlaın qabyldaý barysynda bir top analar jumysqa ornalasý jáne bıznes bastaý boıynsha ótinim bildirdi. Elorda ákimi Altaı Kólginov ákimdik áleýmettik qoldaý men jumyspen qamtýǵa kómek beretinin aıtty.
"Bizdiń mindetimiz – jumysqa ornalasý jáne qosymsha bilim alýǵa kómektesý. Jumys jasaý kerek. Bul bolashaqta jeke bıznes ashýǵa jáne birden birneshe turǵyn úı baǵdarlamalaryna qatysýǵa múmkindik beredi", dedi elorda ákimi Altaı Kólginov.
Memleket basshysynyń" Halyq únine qulaq asatyn memleket" tujyrymdamasyna kóshý jónindegi tapsyrmalaryn iske asyrý aıasynda elorda ákimi bıyl jeke qabyldaýynda 500-den astam adamdy qabyldady.
О́tinishterdiń bir bóligi qabyldaý kezinde sheshimin taýyp, qalǵany jumysqa alyndy.
